ՀՆԻ ՈՒ ՆՈՐԻ ՀԵՏՔԵՐՈՎ

 Դիլիջանը աչքի է ընկնում իր անաղարտ բնությամբ, մաքուր օդով, սառնորակ, հայելապատ աղբյուրներով:  Արեգունյանների արքունիքը սկսում է ոլորաններից: Պալատի ընդունարանում հրաշք հեքիաթային այգի է, որտեղ Գետակը ներդաշնակ սոխակների, թռչունների և միջատների հետ երգում ու մեծարում են իրենց թագուհուն, իսկ ծառերն ու ծաղիկները, պատված անաղարտի ու հեքիաթի երանգներով, զեփյուռի մեղմ ու հեզ օրորով քեզ առնում են իրենց ձեռքերի վրա և տանում  արքունիքով: Անձրևն էլ ասես իր հանդարտ ռիթմով մեղմ ծափ է տալիս: Իսկական բնության համերգ,  որ միայն կարող եք տեսնել Արեգունյանների արքունիքում:  Այն միայն տեսնել և զգալ է պետք:

 Դիլիջանում երկար տարիներ գործել է <<Հովք>> ժողովրդական գործիքների ինքնագործ համույթ և  <<Հին ու նոր Դիլիջան>>-ի ճանապարհները բերեց <<Հովք>> ժող գործիքների համույթ:  Խումբն իր համերգային գործունեության ընթացքում բարձր է պահել քաղաքի մշակութային համբավը:  Համույթի ղեկավարն է եղել  վաստակավոր երաժիշտ, մանկավարժ, վարպետ Խաչիկ Ղազարյանը:  Շնորհալի երաժիշտն այս անսամբլը ղեկավարել է շուրջ տասը տարի:  Այդ ընթացքում կոլեկտիվը հասել է կատարողական բարձր մակարդակի և մասնակցել շատ պատասխանատու  բազմաթիվ մրցույթների, այդ թվում Հայրենական մեծ պատերազմի հաղթանակի 40-ամյակի և Հոկտեմբերյան սոցիալիստական մեծ հեղափոխության 70-ամյակին նվիրված ինքնագործ կոլեկտիվների համամիութենական փառատոններին՝ արժանանալով ՀՍՍՀ Կուլտուրայի մինիստրության պատվոգրերի, իսկ անսամբլի ղեկավար Խ. Ղազարյանը պարգևատրվել է փառատոնի ոսկե մեդալով:  <<Հովք>> ժող գործիքների համույթ  գործունեության տարիների ընթացքում կոլեկտիվի անփոփոխ անդամներից են եղել Խորեն Սարդարյանը, Գարիկ Սաղաթելյանը, Շահեն Շահնազարյանը, Մանուշակ Ամյանը և երգիչ Վաչագան Ղազարյանը:  Նրանց մասնակցությամբ անսամբլը բազմիցս եղել է մեր քաղաքամերձ գյուղերում, առողջարաններում, հարևան շրջաններում, մասնակցել համաքաղաքային երգի բոլոր տոներին՝  <<Դիլիջանյան ղողանջներ>>, <<Դիլիջանյան երգի տոն>> և այլ բազմաթիվ տոնակատարություններին:  Խմբի մեծ և կարևոր ձեռք բերումներից է` 1987 թվականին ՀՍՍՀ Կուլտուրայի մինիստրության կողմից շնորհված <<Անսամբլի ժողովրդականի>> կոչումը հանրապետության մի խումբ ինքնագործ կոլեկտիվներին թվում, աշխատավորների մշակութային  սպասարկումը բարձր մակարդակով կազմակերպելու և կատարողական բարձր ձեռք բերելու համար, 1987 թվականի հունվարի 1-ին Դիլիջանի մշակույթի պալատի ժողգործիքների անսամբլին շնորհել է <<Ժողովրդական կոլեկտիվ>> պատվավոր կոչում:  Նյութը պատրաստեց Վաչե Գրիգորյանը: