Կրկին վայելենք, մեր համաքաղաքացի, Շտապ օգնության աշխատակցուհի, Դիլիջանցի `Սվետլանա Գրիգորյանի ստեղծագործություններից:

Կամուրջս ՝ խարխուլ,

Տառապանքս ՝ լուռ,

Կամքս ՝ ամրակուռ։

Կաղնու պես կանգուն ու միշտ աննկուն։

Ուրա՛խ, միշտ հպարտ, ծիծաղկոտ, անպարտ։

Երբեք չնայած,

Մարած լույսերին։

Ճամփա եմ հարթում ՝

Գալիք հույսերին։

31․08․2016թ․ ք․Դիլիջան

Հեղինակ ՝ Սվետլանա Գրիգորյան։

Ո՛վ դու իմ բարի, դու Տեր մեր Բարձյալ Շն որհակալ եմ քեզ, որ տվեցիր մեզ՝ ծնող սրբասուրբ ,

Մայր քնքուշ ու հեզ,արևներ հրկեզ։

Երկնքի կապույտ, զմռուխտե սարեր,

Բխող աղբյուրներ ։

Զավակ սիրասուն ,ծառ ու ծառաստան ,

Ու մի հինավուրց երկիր Հայաստան ։

Թե որ երկնքից նայում ես մեզ Տե՛ր

Հայ ազգիս, դու տուր միասնություն , սեր։

Թե որ դու ես մեր փրկիչը վերին

Ծնկաչոք լինեմ քո ամեն մի սուրբ աղոթատեղին ։

Ու մոմեր վառեմ խաչքարերիդ հին ,

Դու պաշտպան եղի՛ր իմ թշվառ ազգին։

Հեղինակ ՝Սվետլանա Գրիգորյան․ 23․07․2016

Դիլիջան համայնքի ղեկավար Արմեն Սանթրոսյանի շնորհավորական ուղերձը Գիտելիքի օրվա առթիվ

Դիլիջան համայնքի ղեկավար Արմեն Սանթրոսյանի շնորհավորական ուղերձը Գիտելիքի օրվա առթիվ

Սիրելի դպրոցականներ, հարգելի մանկավարժներ, ծնողներ.

Դիլիջանի համայնքապետարանի, համայքի ավագանու և անձամբ իմ կողմից սրտանց շնորհավորում եմ բոլորիդ Գիտելիքի օրվա առթիվ, մաղթում եմ անձնական երջանկություն և նոր ուսումնական տարում՝ արգասաբեր աշխատանք:

Առանձնահատուկ ուզում եմ իմ շնորհավորանքը ուղղել մեր առաջին դասարանցիներին, որոնք սրտի թրթիռով են սպասում դպրոցական առաջին զանգին:

Ուրախալի է, որ մեր համայնքում գնալով ընդլայնվում են մատաղ սերնդի կրթական հնարավորությունները: Վերջին տարիների նոր իրողությունների հետ կապված, Դիլիջանը հանդիսանում է Հայաստանի կրթական կենտրոններից մեկը: Դիլիջանի միջազգային դպրոցը, որտեղ սովորում են աշխարհի 75 երկրներից ժամանած 210 սովորողներ, արդեն իսկ իր հաստատուն տեղն է գրավում աշխարհի կրթական համակարգում: Շնորհիվ ՀՀ կենտրոնական բանկի աջակցության, մեր հարյուրավոր աշակերտներ հնարավորություն ունեն սովորելու հանրապետությունում եզակիներից համարվող Կենտրոնական դպրոցում և իրենց ստեղծագործական ունակությունները զարգացնելու «Գիտելիք հանուն զարգացման» կենտրոնում:

Համայնքի ղեկավարությունը իր առաջնահերթություններից է համարում խոշորացման արդյունքում Դիլիջանում ընդգրկված համայնքների մեր դպրոցականների համար ապահովելու համապատասխան պայմաններ, որպեսզի նրանք ավելի լայնորեն ներգրավվեն քաղաքի արտադպրոցական կրթամշակութային և մարզական հաստատություններում:

Վստահ եմ, որ մեր դպրոցականները ջանք ու եռանդ չեն խնայի յուրացնելու խորը գիտելիքներ՝ պատրաստ լինելու դիմագրավելու մեր ժամանակաշրջանի բարդ մարտահրավերներին:

Կրկին շնորհավորում եմ բոլորիդ՝ լավագույն մաղթանքներով:

Լույս է տեսել մեր հայրենակից Լավրենտի Միրզոյանի «Տավշո արմատներ» գիրք-հանրագիտարանը: Ինչպես տեղեկացնում է Տավուշի մարզպետարանի պաշտօնական կայքը, Գիրքը նվիրված է Տավուշի մարզի Իջևանի, Դիլիջանի, Բերդի և Նոյեմբերյանի տարածաշրջանների մտավորականներին՝ գրողներին, դերասաններին, նկարիչներին, ճարտարապետներին, քանդակագործներին, լրագրողներին: Մանրամասն կարդալու համար անցեք հղումով:

Նորություններ - Տեղեկատվական կենտրոն - Տավուշի մարզպետարան

"Դիլիջանի " Խոսուն վկաները, շրջայց 6 Դիլիջան համայնքի Հովք վարչական շրջանում

Հովք: Համայնքի մասին: Հովք գյուղը մինչև հայ-ադրբեջանական հակամարտությունը բնակեցված է եղել ադրբեջանցիներով։ 90-ական թվականներին այն բնակեցվել է Ադրբեջանից բռն...

"Դիլիջանի" Խոսուն վկաները, շրջայց 5, մենք Դիլիջան Համայնքի Խաչարձան վարչական շրջանում ենք:

Խաչարձան, գյուղ Հայաստանի ՀանրապետությանՏավուշի մարզում, մակերեսը 11,1 կմ քառակուսի, մարզկենտրոնից 30 կմ հարավ-արևմուտք, Երևանից՝ 124 կմ,Խաչարձան գետի գետաբերանի մոտ, ծովի մակերևույթից բարձրությունը 1050 մ, գտնվում է բարեխառն գոտում, ամռանը միջին ջերմաստիճանը +20 C է, ձմռանը՝ -2 C։ 2014 թվականի հունիսի 27-ին Խաչարձանում արգենտինահայ ամուսինների հովանավորությամբ բացվեց բուժկետ և բազմաֆունկցիոնալ սրահ[2]։

Նախնիների մի մասը 1988 թ.-ին այստեղ է գաղթել Ադրբեջանի Ղազախի շրջանից։ Խաչարձան գյուղը մինչև ազգամիջյան կռիվները կոչվել է Փոլադ և բնակեցված է եղել ադրբեջանցիներով։ Փոլադի տնտեսության հետ միևնույն վարչական տարածքում է գտնվել Աղքիլիսա և Մուրթել փոքր գյուղերը (ներկայումս Ճերմակավան և Գեղատափ), որոնք նույնպես ադրբեջանաբնակ են եղել։ 1989 թվականին տարածքը բնակեցվել է Ադրբեջանից բռնագաղթված հայերով։ Խաչարձան է վերանվանվել 1991 թվականի ապրիլի 3-ին։ Գեղատափ գյուղը ադրբեջանցիների հեռանալուց հետո բնակեցվել էՇահումյանի շրջանից բռնագաղթվածներով։

Խաչարձանի ազգաբնակչության փոփոխությունը.[3]

Տարի

1873

1897

1926

1939

1959

1970

1979

1989

2001

2004

2012

Բնակիչ

290

220

362

565

543

755

750

195

383

331

334

Բնակչությունը զբաղվում է անասնապահությամբ, դաշտավարությամբ և բանջարաբոստանային կուլտուրաների մշակությամբ։

Խաչարձանի հարավային մասում կա “Խաչի տափ” մատուռ, իսկ 1 կմ հյուսիս՝ մ.թ.ա. 2-րդ-1-ին հազարամյակների դամբարանադաշտ։