Ձեզ ենք ներկայացնում` Դիլիջանցի բանաստեղծուհի, հրաշալի հայուհի, լավ ընկեր Սվետա Գրիգորյանի բանաստեղծություններից:

🔥🔥🔥Մոմերն այս վառվող,🔥🔥🔥

🔥🔥🔥Վառվող ու հալվող,🔥🔥🔥

Աղոթք են այրող🔥🔥🔥

Առ երկինք ու սեր․․․🔥🔥🔥

🔥🔥🔥ՈՍԿՅԱ ՀԱՍԿԵՐ🔥🔥🔥

Լուրթ հորիզոնի ուրվագծերում,

Արևը ձուլվել է կապույտ երկնքին,

Ու եդեմական հրաշք ցոլքերով,

Հուր է ճառագում՝ կրակ հմայքով։

Օրհնում եմ արևոտ հասկերին ոսկյա,

Ուր քամին խաղում է ցորյանի ծովում,

Ու կակաչների բոց գույների հետ

Հուր կրակներ կան, արահետ ու գետ։

Արտերը ծփում եմ ոսկյա տաղերով,

Արևն իր բոցե թելերն է մանում,

Ես էլ արևի պես ջերմ ու կրակոտ,

Ժպիտ, ու սեր եմ աշխարհին տանում։

Սվետա․․․

Դիլիջան համայնքի ղեկավար Արմեն Սանթրոսյանի շնորհավորական ուղերձը Ամանորի և Սուրբ Ծննդյան տոների առթիվ

Նորություններ

Կայացավ Դիլիջանի զբոսաշրջային-տեղեկատվական բուկլետի շնորհանդեսը:

Վերջերս տպագրվել է Դիլիջանի զբոսաշրջային-տեղեկատվական բուկլետը, որտեղ ամփոփված է Դիլիջանի տեսարժան վայրերը, վանքերը և պատմամշակութային կառույցների մասին տեղեկություններ: Բուկլետը հայերեն լեզվով է, Վաչե Գրիգորյան . << Բուկլետ ստեղծելու մտահղացումը առաջացել էր 2014 թ.-ին, իսկ դրա պատրաստման աշխատանքները սկսվեցին 2016 թ-ի սկզբից:

Մեր բլոգում սկսեցինք շարք `<<Դիլիջանի խոսուն վկաներ>> խորագրով, որի նպատակն էր լուսաբանել և իրազեկել հյուրերին, դիլիջանաբնակներին, Դիլիջան համայնքն ներառող 6 բնակավայրերի տեսարժան վայրերի, վանքերի, մշակութային հուշարձանների մասին: Նկատեցինք, որ այն լայն տարածում է գտնում համացանցում, ուստի որոշեցինք ձեռնարկել այս բուկլետի հրատարակումը, որին Դուք ծանոթացաք: Հինգ ամիս ընթացան աշխատանքները՝ տեղեկատվության հավաքագրում, մշակում, խմբագրում, ձևավորում և լուսանկարների ընտրություն, որի վերջնաարդյունքը ստացանք այս տեսքով>>:

Սեպտեմբերի 25-ին մարդաշատ էր Դիլիջանի Հով. Շարամբեյանի մանկական գեղարվեստի դպրոցը: Դիլիջանի հասարակությունը ունկընդիրը դարձավ <<Դիլիջանի խոսուն վկաներ>> խորագրով բուկլետի շնորհանդեսին: Միջոցառումը սկսվեց Դիլիջանի մասին պատմող տեսաֆիլմով, ուղեկցվեց շնորհանդեսի ցուցադրությամբ, այնուհետև ելույթներով հանդես եկան համայնքի ակտիվ երիտասարդներ, պատանիներ :

Միջոցառմանն առաջին անգամ հնչեց Վաչե Գրիգորյանի <<Գովք Դիլիջանին>> հեղինակային երգը:

Շնորհակալություն ենք հայտնում բոլոր այն մարդկանց, ովքեր աջակցել են բուկլետի ստեղծմանը, շնորհանդեսի կազմակերպմանը, Դիլիջանի համայնքապետարանին(համայնքի ղեկավար Արմեն Սանթրոսյան), Դիլիջանի ավագ և թիվ 2 միջնակարգ դպրոցներին, արվեստի պետական քոլեջին:

Հավատում ենք, որ բուկլետը կդառնա Դիլիջանի այցեքարտը

<<Դիլիջան ինֆո>>

ԴԻԼԻՋԱՆԻ ԽՈՍՈՒՆ ՎԿԱՆԵՐԸ

Սիրելի հայրենակիցներ, Դիլիջանի բնակիչներ,

Ս.թ սեպտեմբերի 25-ին, ժամը 16:00-ին սիրով հրավիրում ենք Դիլիջանի  Հովհաննես  Շարամբեյանի  անվան մանկական  գեղարվեստի  դպրոց , որտեղ տեղի կունենա դիլիջանցի երգիչ, ակտիվ երիտասարդ` Վաչե Գրիգորյանի <<ԴԻԼԻՋԱՆԻ ԽՈՍՈՒՆ ՎԿԱՆԵՐԸ>> խորագրով տուրիստական-տեղեկատվական բուկլետի շնորհանդեսը: Այդ օրը ներկաներին սպասվում է անակնկալներով, հայ անաղարտ երգերի պրեմիերաներով, հեքիաթային պահերով լեցուն անմոռանալի և հաճելի րոպեներ: Տեղեկատվական աջակիցներ <<Դիլիջան>> քաղաքային թերթ, dilijancity.am,dilijanews.blogspot.com և Դիլիջան Ինֆո ֆեյսբուքյան էջեր:

Երեկոյի աջակիցներ` Դիլիջանի համայնքապետարան,  ,, Դիլիջանի Հովհաննես Շարամբեյանի անվան մանկական գեղարվեստի դպրոց, ՀՈԱԿ:

Սիրով հրավիրում ենք բոլորիդ և սպասում անհամբեր: Եկեք միասին ուրախանանք և վայելենք Դիլիջանն իր ողջ կոլորիտով:

Սիրով` Ձեր Վաչե Գրիգորյան