ԴԻԼԻՋԱՆ ՀԱՄԱՅՆՔԻ ՂԵԿԱՎԱՐ՝ ԴԱՎԻԹ ՍԱՐԳՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՅՈՑ ԲԱՆԱԿԻ ՕՐՎԱ ԱՌԹԻՎ

Սիրելի՛ հայրենակիցներ,

Հայոց բանակի նվիրյալ զինվորներ,

Շնորհավորում եմ Հայոց բանակի կազմավորման 31-ամյակի առթիվ:

Այս օրը մեր անվտանգության երաշխավոր Հայ զինվորի ու սպայի օրն է. նրանց ամենօրյա պայքարի ու նվիրման շնորհիվ է, որ այսօր մենք շարունակում ենք ապրել ու արարել: Իհարկե, բոլորիս քաջ հայտնի են այն դժվարությունները, որոնց միջով անցել և շարունակում է անցնել մեր բանակը, բայց քանի դեռ կան հերոսածին մայրեր, քաջ զինվորներ և սպաներ, մենք կա՛նք և լինելու ենք:

Այսօր ուզում եմ նաև առանձնահատուկ շնորհակալություն հայտնել նրանց, ովքեր իրենց կարևոր ներդրումն են ունեցել հայոց բանակաշինության գործում, և խորհին երախտագիտություն հայտնել նրանց, ովքեր արիաբար ընկել են հայրենիքի պաշտպանության սուրբ գործին նվիրվելիս: Համոզված եմ, որ այս քաջորդիների սխրանքները սերունդներին են հասնելու:

Շնորհակալ ենք քեզ, Հա՛յ զինվոր,

Շնորհավո՛ր տոնդ, Հայոց բանակ:

Ամենայն հարգանքով՝    

Դավիթ Սարգսյան

Լուսանկարները՝ Դավիթ Սարգսյանի ֆեյսբուկյան պաշտոնական էջից։  Նյութի աղբյուր՝ Դիլիջանի համայնքապետարան։