ԴԻՊՎԱԾ ԴԻԼԻՋԱՆԻ ՀԱՐՈՒՍՏ ԳՐԱԿԱՆ ԿՅԱՆՔԻՑ

Քաղաքը ապրել է հարուստ գրական կյանքով։ Դիլիջանում է ծնվել և իր մանկությունն անցկացրել հայտնի գրող Վախթանգ Անանյանը։ Քաղաքի սիրված բանաստեղծներից է Գևորգ Զարենց (Ղազարյան), որն ունի նաև մանկական հիանալի ստեղծագործություններ։ Մի քանի հրատարակված բանաստեղծական գրքերի հեղինակ է Մկրտիչ Գրիգորյանը։ Քաղաքի ճանաչված բանաստեղծներից են գրքերի հեղինակներ Միքայել Սերունց (Անանյան), Սրաֆիլ Թամրազյան, Արշավիր Թորոսյան, Սվետա Գրիգորյանը։ Դիլիջան համայնքի մասին տպագրված գրքեր ունեն Հենրիկ Խառատյանը և Մարինե Քոչարյանը։ Հանրապետական գրական մամուլում բազմաթիվ անգամ տպագրվել են բանաստեղծ Արծրուն Հովսեփյանի ստեղծագործությունները։

1958 թ.-ից, շաբաթական երեք անգամ, հրատարակվել է «Դիլիջան» թերթը։ Թերթի հիմնադիր և խմբագիրն է եղել՝ Մուսայել Մկրտչի Մկրտումյանը, Ո՛վ աշխատել է ավելի քան չորս տասնյակ տարուց ավելի։ Թերթը (ընդհատվել է 1963-1964 թթ.), վերահրատարակվել է 1965 թ. մայիսի 5-ին։ Թերթում տպագրվել են քաղաքային կյանքի տարբեր ոլորտներին վերաբերվող հոդվածներ։ «Դիլիջան քաղաքային թերթի հրատարակումը ընդհատվում է 2021-2022-ը ու վերահրատարակվում է 2022-ի ապրիլի սկզբից։ «Դիլիջան» թերթի խմբագիրներն են եղել Մուսայել Մկրտչի Մկրտումյանը, Միքայել Սերունց Անանյանը, Օնիկ Հակոբի Սարգսյանը և Ալբերտ Սիմոնյանը։ «80» Ականների վերջերում քաղաքում տպագրվում է՝ "Իմպուլս" թերթը, որի խմբագիրներն են եղել՝ Օնիկ Հակոբի Սարգսյանը և Սրաֆիլ Թամրազյանը։ 2006 թ. մայիսից հրատարակվել է «Երիտասարդական գործունեության ակումբ» հասարակական կազմակերպության «Երիտասարդ Դիլիջան» ամսաթերթը։ 2009-ին քաղաքում առաջին անգամ գունավոր տարբերակով տպագրվել է՝ «Հովք» ամսաթերթը, որի խմբագիրն էր Միքայել Անանյանը, իսկ 2011-2012թ․ տպագրվել է «100 % Դիլիջանում» ամսաթերթը, որի խմբագիրներն էին Վաչե Գրիգորյանը և Տիգրան Սանթրոսյանը։ 1993 թ. օգոստոսին հիմնադրվել է տեղականRT-V հեռուստաընկերությունը (խմբագիր Մ. Անանյան), որն ամենօրյա հաղորդումներով լուսաբանում է քաղաքային կյանքը։ 2016 թվականի դեկտեմբերից հրապարակվում է «Կորիզ» թերթը, որի խմբագիրներն են Դիլիջանի պատանիները։ 2016-ին կարճ ժամանակով քաղաքում գործել է առցանց «Դիլի ռադիո»։ Այժմ Դիլիջան խոշորացված համայնքում գործում է էլեկտրոնային պաշտոնական 1 կայք և զբոսաշրջային-մշակութային և տեղեկատվական բլոգ։