«Հայաստանի զարգացման նախաձեռնություններ» (IDeA) բարեգործական հիմնադրամն ստեղծվել է գործարար եւ բարեգործ Ռուբեն Վարդանյանի եւ նրա տիկնոջ՝ Վերոնիկա Զոնաբենդի կողմից: Հիմնադրամի ծրագրերը սոցիալ-տնտեսական բնույթի են և կոչված
են ապահովելու համընդհանուր բարօրություն և բարեկեցություն: Այն համագործակցում է կրթական,
մշակութային հաստատությունների, հասարակական ու միջազգային կազմակերպությունների հետ:
Հիմնադրամի ուշագրավ նախագծերից են UWC Դիլիջան քոլեջի, «Տաթեւի վերածնունդ», Թբիլիսիի Սբ Գեւորգ եկեղեցու վերականգման, Դիլիջան քաղաքի զարգացման ծրագրերը եւ այլն:
Հիմնադրամը զգալի աշխատանքներ է տանում
Դիլիջանը ներդրումային գրավիչ և զբոսաշրջային
առաջատար տուրիստական քաղաք դարձնելու ուղղությամբ: Արդեն ստեղծվել է երիտասարդական
կենտրոն, կազմակերպվում են տարբեր բնագավառի
միջազգային կոնֆերանսներ, համերգներ և այլ միջոցառումներ:
Դիլիջանի զարգացման հեռանկարների, ուղիների, տեղի ռեսուրսները ճիշտ և գրագետ արդյունավետ
օգտագործելու և համախմբելու նպատակով
IDEA հիմնադրամի ծրագրերի ներկայացում
տեղի ունեցավ <<Դիլիջանի զարգացման հիմնադրամ>>
-ի գրասենյակում:
Հանդիպմանը ներկա էին IDEA հիմնադրամի, քաղաքում գործող հասարակական կազմակերպությունների քաղաքապետարանի ներկայացուցիչներ, ակտիվ բնակիչներ:
Комментариев нет:
Отправить комментарий