Հայտնի ֆուտբոլիստ Հենրիխ Մխիթարյանը ՄԱԿ-ի բարի կամքի դեսպան:

2006թ –ից Հայաստանում՝ ՄԱԿ-ի մանկական հիմնադրամի բարի կամքի դեսպան է ճանաչվել, ՀՀ վաստակավոր արտիստուհի, երգչուհի Ալլա Լևոնյանը:

<<Ինչ պարտականություններ եք ստանձնել և որն է՞ Ձեր առաքելությունը >>հարցին, -. Ալլա Լևոնյանը պատասխանեց.<<Բարի կամքի դեսպանը ՝ խոսնակն է մարդկանց և Unisef-ի միջև>>: Այնտեղ նա ծավալում է իրավական, առողջապահական խնդիրների լուծմանն ուղղված գործունեություն, և այն ինչ կապված է երեխաների հետ: Դեսպան ընտրելուց հաշվի է առնվում սոցիալական դիրքը, գործունեությունն ու հեղինակությունը: Բարի կամքի դեսպանի ընտրությունը կատարվում է ՄԱԿ-ի Նյու Յորքի և Ժնևի գլխավոր գրասենյակներում: Երգչուհին նշեց, որ մասնակցել է բազմաթիվ ակցիաների, հաճախել է հիվանդանոցներ, մանկատներ, մասնակցել է յոդացված աղի և պատվաստումներինուղղված նախաձեռնություններին: Բարի կամքի դեսպան եղել է նաև Ռուսաստանում, Նյու Յորքում և այլ երկրներում: Ալլա Լևոնյանը, UNICEF-ի բարի կամքի դեսպան է 2006-ից, առ այսօր:

2016-ի նոյեմբերի 9-ին, ՄԱԿ-ի բարի կամքի դեսպան ընտրվեց հայտնի ֆուտբոլիստ Հենրիխ Մխիթարյանը: Համապատասխան փաստաթուղթը ստորագրվել է չորեքշաբթի լրագրողների ներկայությամբ` UNICEF-ի երևանյան գրասենյակի ղեկավար Տանյա Ռադոչայի և ֆուտբոլիստի կողմից: Կայացած մամուլի ասուլիսի ժամանակ Մխիթարյանը շնորհակալություն հայտնեց վստահության համար` նշելով, որ համատեղ ջանքերով հնարավոր կլինի հասնել հաջողությունների երեխաների իրավունքների պաշտպանության գործում և ընդգծել UNICEF-ի կարևոր դերը այդ հարցում: Newsarmenia.am կայքին տված հարցազրույցում, Հենրիխ Մխիթարյանը նշեց, որ իր ուշադրության կենտրոնում կլինեն վաղ հասակից բոլոր երեխաների համար կրթություն ստանալու հավասար հնարավորությունների ապահովման հարցերը, այդ թվում` ներառական միջավայրում:

Վաչե Գրիգորյան,

Դիլիջան